Իրանը միջոցներ է ձեռնարկում պաշտպանnւնակության ամրապնդման ուղղությամբ. Փեզեշքիան

Իրանի կառավարությունը ձեռնարկում է բոլոր անհրաժեշտ միջոցները երկրի պաշտպանունակության ամրապնդման, իրանական ԶՈՒ նյութատեխնիկական ապահովման կազմակերպման և սպառազինության մեջ գտնվող ռազմական տեխնիկայի արդիականացման համար։ Ինչպես հաղորդում է ՏԱՍՍ-ը, այս մասին հայտարարել է Իրանի նախագահ Մասուդ Փեզեշքիանը։

«Կառավարությունը համակողմանի աջակցություն է ցուցաբերում զինված ուժերին և մտադիր է նաև այսուհետ ամեն կերպ նպաստել պաշտպանունակության ամրապնդման, իրանական բանակի նյութատեխնիկական ապահովման կազմակերպման, սպառազինությունների և օպերատիվ ենթակառուցվածքների արդիականացման, զսպման ներուժի բարձրացման ռազմավարական ծրագրերի իրականացմանը», - Փեզեշքիանի խոսքերն է մեջբերում նրա մամուլի ծառայությունը։

Հիշեցնենք՝ մայիսի 18-ին ԱՄՆ նախագահ Դոնալդ Թրամփը հայտնել էր, որ Կատարի, Սաուդյան Արաբիայի և ԱՄԷ-ի խնդրանքով հրաժարվել է մայիսի 19-ին Իրանին հասցվելիք ԱՄՆ-ի նոր հարվածից։

Իրանի ԱԳՆ պաշտոնական ներկայացուցիչ Էսմայիլ Բաղային էլ հավաստիացրել է, որ Իրանի ԶՈՒ-ն պատրաստ է իրադարձությունների զարգացման ցանկացած սցենարի և լի է վճռականությամբ՝ հակառակորդին «նոր անակնկալներ» մատուցելու համար։