«Հզբոլլահը» կրկին հարձակվել է իսրայելական ուժերի վրա. ՑԱԽԱԼ

Լիբանանյան «Հզբոլլահ» շարժումն այսօր նոր հարձակումներ է իրականացրել՝ Լիբանանի հարավում իսրայելական ուժերի ուղղությամբ արձակելով անօդաչու թռչող սարք, իսկ Իսրայելի հյուսիսում ՝ արկեր: Այս մասին հայտնել է Իսրայելի պաշտպանության բանակի (ՑԱԽԱԼ) մամուլի ծառայությունը։

Այսօր ավելի վաղ Իսրայելի հյուսիսում բազմիցս գործարկվել են օդային տագնապի ազդանշաններ։

«Հնչած ազդանշաններից հետո Իսրայելի հյուսիսային մի քանի շրջաններում երկու արկ է հայտնաբերվել, որոնք արձակվել են Լիբանանից: Մեկ արկ չեզոքացվել է, իսկ մյուսն ընկել է բաց տեղանքում», - հայտնել են բանակի մամուլի ծառայությունից։

ՑԱԽԱԼ-ի տվյալներով՝ դրանից քիչ առաջ Մետուլայի շրջանում ակտիվացել է օդային տագնապի ազդանշանը՝ կապված «Հզբոլլահի» անօդաչու թռչող սարքի հայտնաբերման հետ: