Հակասող հաղորդագրություններ․ ո՞վ է իրականում ուղեկցել է ԱՄՆ փոխնախագահին Ծիծեռնակաբերդում

Այսօր ԱՄՆ փոխնախագահ Ջեյ Դի Վենսը Ծիծեռնակաբերդում հարգանքի տուրք է մատուցել։ ԱՄՆ փոխնախագահին ուղեկցելու վերաբերյալ Հայոց ցեղասպանության թանգարան-ինստիտուտի, ՀՀ ԿԳՄՍ նախարարության և ՀՀ կառավարության հաղորդագրությունները հակասական են։

Հայոց ցեղասպանության թանգարան-ինստիտուտի հատարարության մեջ նշվում է, որ ԱՄՆ փոխնախագահին դիմավորել են Հայոց ցեղասպանության թանգարան-ինստիտուտի տնօրեն Էդիտա Գզոյանը, ՀՀ ԿԳՄՍ նախարար Ժաննա Անդրեասյանը և ՀՀ-ում ԱՄՆ գործերի ժամանակավոր հավատարմատար Դեյվիդ Ալենը:

Էդիտա Գզոյանը Ջեյ Դի Վենսին և նրա տիկնոջը ուղեկցել է Հայոց ցեղասպանության հուշահամալիր՝ ներկայացնելով դրա կառուցման պատմությունը:

ՀՀ ԿԳՄՍ նախարարության և ՀՀ կառավարության հաղորդագրությունների մեջ նշված է, որ ԱՄՆ բարձրաստիճան պաշտոնյային ուղեկցել է ՀՀ ԿԳՄՍ նախարար Ժաննա Անդրեասյանը:

Սակայն նկարներն այլ բան են փաստում․ ԱՄՆ փոխնախագահ Ջեյ Դի Վենսին ուղեկցել է Հայոց ցեղասպանության թանգարան-ինստիտուտի տնօրեն Էդիտա Գզոյանը։