Մենք ավելի քան 40 քաղբանտարկյալ ունենք․ կարծում եմ ոչ մի հայ չէր ցանկանա ապրել նման երկրում․ Հայկ Մամիջանյան

Քաղաքական հարցերի, մարդու իրավունքների և ժողովրդավարության հարցերի հանձնաժողովի նիստում «Պատիվ ունեմ» խմբակցության պատգամավոր Հայկ Մամիջանյանը քննադատեց Հայաստանի ներկա իրավիճակը՝ շեշտելով, որ երկրում առկա են քաղաքական հետապնդումներ և քաղբանտարկյալներ։

Մամիջանյանի խոսքով՝

«Բոլոր հայերը գիտեն, որ նման երկրում ապրելը գրեթե անհնար է։ Ավելի քան 40 քաղբանտարկյալ ունենք, և զարմանալի է, որ այդ փաստը ներկայացման մեջ չէր ընդգրկվել»։

Նա ընդգծեց նաև դատական համակարգի խնդիրները՝ նշելով, որ այն կախված է կառավարությունից.

«Շատ միջազգային կազմակերպություններ նշել են, որ դատական համակարգը ղեկավարվում է կառավարության կողմից։ Սա լուրջ խնդիր է, որի մասին պետք է խոսել իրական հաշվետվություններում, ոչ թե ներկայացնել ծիածանային պատկեր»։

Պատգամավորն ընդգծեց, որ անհրաժեշտ է միջազգային հարթակներում ներկայացնել ոչ թե կոսմետիկ, այլ իրական պատկերն այն խնդիրների, որոնք առկա են Հայաստանում։

Մանրամասն՝ տեսանյութում։