|
Փոխարժեքներ
28 10 2025
|
||
|---|---|---|
| USD | ⚊ | $ 382.78 |
| EUR | ⚊ | € 446.44 |
| RUB | ⚊ | ₽ 4.7824 |
| GBP | ⚊ | £ 509.98 |
| GEL | ⚊ | ₾ 140.95 |
«Հայաստան» խմբակցության պատգամավորԱրման Ղազարյանը իր ելույթում անդրադարձել է Սևանա լճից լրացուցիչ ջրառի վերաբերյալ օրինագծին և կառավարության ներկայացրած հիմնավորումներին։
Նա նշել է, որ Գիտությունների ազգային ակադեմիայի Սևանա լճի պահպանության փորձագիտական հանձնաժողովի եզրակացությունը, որը տրամադրվել է ավելի ուշ, բացասական է և հակասում է ինչպես կառավարության, այնպես էլ հանձնաժողովի անդամ Խուդաթյանի առաջ քաշած հիմնավորումներին։
Ղազարյանի խոսքով՝ հանձնաժողովի եզրակացության մեջ նշվում է, որ օրինագծով նախատեսվող լրացուցիչ ջրառի 37,3 մլն խմ ծախսը կազմում է Սևանա լճի 60%-ը, ինչը, ըստ եզրակացության, պայմանավորված է ոչ թե երաշտով կամ չորային պայմաններով, այլ ջրամատակարարման համակարգում առկա անթույլատրելի մեծ ջրակորուստներով։
Պատգամավորը քննադատել է, որ կառավարությունը և համապատասխան հանձնաժողովները չեն ներկայացրել հիմնավոր փաստարկներ, և փաստացի փորձել են հարցը բերել «ոտքի վրա» քննարկման։ Նա ընդգծել է, որ այս մոտեցումը կարող է հիմք տալ լուրջ կասկածների։
Միևնույն ժամանակ, Ղազարյանը նշել է, որ հաշվի առնելով գյուղատնտեսության՝ բույսերի, հողի ու ծառերի ջրի կարիքը, այլընտրանք չտեսնելով, իր ֆրակցիան պատրաստվում է ձեռնպահ քվեարկել, մինչև կառավարությունը հստակեցնի իր քայլերը և ցույց տա, թե իրականում ինչ է անում։
Մանրամասն՝ տեսանյութում։