ՀԷՑ-ը պետականացնելու անգրագետ օրենքի նախագիծ է ներկայացվել․ Ղազինյան

«Հայաստանի էլեկտրական ցանցեր» ընկերության տնօրենի ժամանակավոր պաշտոնակատար Դավիթ Ղազինյանը մամուլի ասուլիսի ժամանակ, անդրադառնալով ՀԷՑ-ի հնարավոր ազգայնացման գործընթացին, նշեց, որ խոսքը վերաբերում է իրավաբանորեն անգրագետ օրենսդրական նախագծի, որի քննարկման համար անգամ որևէ կապ չի հաստատվել ընկերության հետ։

Ղազինյանը ընդգծեց, որ գործընթացը տեղի է ունենում առանց նախնական շփման, պարզաբանումների կամ հանդիպումների՝ ոչ պետական, ոչ անձնական մակարդակով։ Նրա խոսքով՝ սա աննորմալ և անընդունելի է հատկապես մի դեպքում, երբ խոսքը վերաբերում է խոշոր ներդրումային ծրագրեր իրականացրած ընկերությանը և միջազգային գործընկերների վստահություն վայելող ներդրողին՝ Սամվել Կարապետյանին։

Նա նշեց, որ ՀԷՑ-ն ունի թերություններ, սակայն ցանկացած խնդիր կարելի է քննարկել․ իշխանությունները նման բան չեն արել, և դա, ըստ Ղազինյանի, վկայում է վախի կամ պատասխանատվությունից խուսափելու մասին։

Ղազինյանը հայտարարեց, որ պայքարելու են օրենքի շրջանակում՝ ներպետական և միջազգային բոլոր հնարավոր մեխանիզմներով։ 

Նրա խոսքերով՝ միջազգային գործընկերների շրջանում արդեն արձագանք կա՝ զարմանք և անհանգստություն ստեղծված իրավիճակի վերաբերյալ։

Մանրամասն՝ տեսանյութում։