ԻՀՊԿ-ն հաստատել է Իրանի ԶՈւ կենտրոնական շտաբի պետ Ալի Շադմանիի մահը

ԻՀՊԿ-ն հաստատել է, որ Իրանի ԶՈւ կենտրոնական շտաբի` «Խաթամ ​​ալ-Անբիայի» պետ, գեներալ Ալի Շադմանին մահացել է իսրայելական հարվածների հետևանքով ստացած վնասվածքներից։

Հունիսի 17-ին Իսրայելի պաշտպանության բանակը հայտարարեց, որ իրենց հարվածի հետևանքով սպանվել է Իրանի ԶՈւ կենտրոնական շտաբի (ՀՕՊ ուժերի շտաբ)` «Խաթամ ​​ալ-Անբիայի» նոր պետ Ալի Շադմանին։

ՑԱԽԱԼ–ի հաղորդմամբ՝ հարվածը հասցվել է Իրանի մայրաքաղաքում գտնվող հրամանատարական կենտրոնին։ Ալի Շադմանին համարվում էր ԻՀՊԿ վետերաններից մեկը։ Նա կառույցում ծառայում էր 1979 թվականից։

Հիշեցնենք` Իսրայելը հունիսի 13-ի գիշերը լայնածավալ գործողություն սկսեց Իրանի դեմ՝ նրան մեղադրելով գաղտնի ռազմական-միջուկային ծրագրի իրականացման մեջ, որն իբր մոտեցել է անվերադարձության կետին: Օդային ռմբակոծությունների և դիվերսիոն խմբերի արշավանքների թիրախներն էին ատոմային օբյեկտները, գեներալիտետը, ականավոր միջուկային ֆիզիկոսները, ավիաբազաները, հակաօդային պաշտպանության միջոցները, «երկիր-երկիր»հրթիռները: