Թոշակառուների կյանքը վատացել է 5․5 %-ով այս կառավարության օրոք․ Թադևոս Ավետիսյան

Պատգամավոր Թադևոս Ավետիսյանը Ազգային ժողովի ամբիոնից ներկայացրեց իր դիտարկումները 2024 թվականի պետական բյուջեի կատարողականի վերաբերյալ՝ համադրելով դրանք կառավարության նախընտրական խոստումների և տնտեսական ցուցանիշների հետ։

Նա նշեց, որ տնտեսության իրական աճը չի հասել խոստացված մակարդակին՝ ընդգծելով.

«2017 թ․ տնտեսական աճը եղել է 7.5%, իսկ 2018-2024 թթ․ միջինը՝ 5.4%»։

Անդրադառնալով աղքատության ցուցանիշներին՝ Ավետիսյանն ասաց.

«2018-ին աղքատության մակարդակը եղել է 23.5%, 2023-ին՝ 23.7%, իսկ ծայրահեղ աղքատությունը՝ 1%-ից աճել է մինչև 1.1%»։

Նա ընդգծեց նաև սոցիալական աջակցության համակարգի անկումը՝ նշելով, որ

«Նպաստ ստացող ընտանիքների թիվը կրճատվել է 7271-ով, կամ 11%-ով»։

Պետական պարտքի վերաբերյալ ընդգծեց.

«Պետական պարտքը կրկնապատկվել է՝ աճելով շուրջ 7 մլրդ դոլարով»։

Արտաքին առևտրի ուղղությամբ շեշտեց.

«Ռուսաստանի Դաշնության հետ առևտրաշրջանառությունը աճել է 57%-ով՝ հասնելով 41.1%-ի, մինչդեռ ԵՄ երկրների հետ նվազել է 12%-ով»։

Նա նաև մատնանշեց օտարերկրյա ներդրումների բացասական դինամիկան.

«Օտարերկրյա ուղղակի ներդրումների զուտ ներհոսքը եղել է մինուս 115 մլն դոլար»։

Ելույթում ընդգծվեց նաև տնտեսական կառուցվածքի փոփոխությունների բացակայությունը, գնաճի և ՓՄՁ-ների հարկային ճնշման հարցերը։

Մանրամասն՝ տեսանյութում։