Չենք կարող քվեարկել մեկի օգտին, ով այսօրվա ամբողջ ողբերգություններին մասնակից է եղել ․ Սարգսյանը՝ Էդմոն Մարուքյանի մասին

ՀՀ երրորդ նախագահ Սերժ Սարգսյանից լրագրողներն այսօր հետաքրքվել  են՝Էդմոն Մարուքյանի՝ որպես վարչապետի միասնական թեկնածու լինելու մասին, ինչին ի պատասխան ասել է․  «Մեր խմբակցությունը հայտարարություն է արել, նայեք, տեսեք, արդյո՞ք այդ հայտարարությունը խոստանում էր կամ կանխատեսում էր, կամ ինչ-որ մեկին հնարավորություն էր տալիս մտածելու, որ եթե ինչ-որ մեկին առաջադրեն, խմբակցությունը սատարելու է։ Աայդպիսի բան չի եղել, չէ՞։ Խմբակցությունը ասել է՝ քննարկելու են, քննարկել է և իր կարծիքը թեկնածուի մասին հայտնել է։ Ախր շատ պարզ պրոցես է»։

Հարցին՝ ի՞նչ չափանիշների պետք է բավարարի վարչապետի թեկնածուն, երրորդ  նախագահը պատասխանեց. «Չափանիշը պիտի լինի նվազագույն բաները, ես չեմ ասում, հիմա իմ մոտ գրած է, թե ինչ չափանիշներ պետք է լինեն։ Բայց մենք չենք կարող քվեարկել մի մարդու օգտին կամ սատարել նույնիսկ փողոցով, ով այսօրվա Հայաստանի կառավարիչներից մեկն է եղել, նրանց հետ է աշխատել, այս ամբողջ ողբերգությունների մասնակից է եղել։ Թող հանգիստ նստի էլի, մենք իրան չենք տանում դատում, մենք ասում ենք՝ դու չես կարա, որովհետև մենք տեսել ենք քո գործելաոճը, ուրիշ ի՞նչ են ասել էս մարդիկ»։