Ապրիլի 24-ին Գյումրու Շառլ Ազնավուրի հրապարակից մեկնարկելու է ավանդական ջահերով երթը

ԱԺ «Հայաստան» խմբակցության պատգամավոր, ՀՅԴ Շիրակի Մարզային կոմիտեի ներկայացուցիչ Մհեր Մելքոնյանը տեղեկացնում է, որ ապրիլի 24-ին՝  ժամը 19։15-ին, Գյումրու Շառլ Ազնավուրի հրապարակից մեկնարկելու է ավանդական ջահերով երթը։

«Սիրելի՛ հայրենակիցներ, ապրիլի 24-ին՝ 19։15-ին, Շառլ Ազնավուրի հրապարակից մեկնարկում է ավանդական ջահերով երթը։

20-րդ դարի ամենամեծ ոճրագործությունից 110 տարի անց մեր թշնամիների ծրագրում ոչինչ չի փոխվել։

Այս օրերին էլ թուրք-ադրբեջանական տանդեմը փորձում է իրականացնել նույն ցեղասպան քաղաքականությունը։

Այս երթը խորհրդանշական է։ Այն պետք է դառնա մեր միասնականության, վերածննդի ու հաղթանակի սկիզբը։

Եվ ուրեմն` ապրիլի 24-ին` 19։15-ին, հանդիպում ենք Շառլ Ազնավուրի հրապարակում։