Կոչ ենք արել յուրաքանչյուր ընդդիմադիրի սատար կանգնել առավելագույն ձայներ ստացած ընդդիմադիրին. Կարեն Սիմոնյան

«Կոչ ենք արել յուրաքանչյուր ընդդիմադիրի պատրաստ լինի, առանց պաշտոնակռվի, սատար կանգնել, աջակցել առավելագույն ձայներ ստացած ընդդիմադիրին, որպեսզի չվիժեցնենք ընդհանուր ընդդիմության  համախմբումը: Նաև պատրաստակամություն ենք հայտնել, որ որևիցե տարաձայնությունների դեպքում, եթե չի ստացվի ընդդիմադիր դաշտի համախմբումը, մենք ՝«Մայր Հայաստան» դաշինքով պատրաստ ենք դառնալ այդ լոկոմոտիվը եւ ՔՊ-ին իշխանազրկենք Գյումրիում»։ Այս մասին Գյումրիում քվեարկությունից հետո լրագրողների հետ զրույցում ասաց «Մայր Հայաստան» դաշինքի քաղաքապետի թեկնածու Կարեն Սիմոնյանը:

Հարցին, թե պատրա՞ստ են միանալ Վարդան Ղուկասյանին, եթե վերջինս ավելի շատ ձայն հավաքի, Սիմոնյանը ասաց, որ առաջինը իրենք են հայտարարել, որ չի կարելի ընդդիմադիր դաշտը պառակտել հանուն աթոռակռվի և իրենք դրան մինչեւ վերջ հետամուտ են լինելու, որպեսզի գյումրեցու քվեն «անտեր» չմնա: