Հռոմի պապ Ֆրանցիսկոսը հոսպիտալացումից հետո առաջին անգամ հայտնվել է հանրության առաջ

Հիվանդանոցի դիմաց հավաքվել են հարյուրավոր հավատացյալներ։

Հռոմի Ֆրանցիսկոս պապը, որին կիրակի դուրս կգրեն Հռոմի «Ջեմելլի» կլինիկայից, թոքաբորբից հետո առաջին անգամ հայտնվել է հավատացյալների առաջ, հաղորդում է ՌԻԱ Նովոստին:

Նա հայտնվել է շենքի հինգերորդ հարկի պատշգամբում՝ իջնելով կլինիկայի վերջին տասներորդ հարկից, որտեղ նա անցկացրել է 38 օր։

Հիվանդանոցի դիմացի հրապարակում հավաքվել են հարյուրավոր հավատացյալներ, որոնք գնացել են Հռոմի ծայրամաս՝ տեսնելու ապաքինվող քահանայապետին: Հռոմի պապի հայտնվելուց առաջ բազմությունը վանկարկել է նրա անունը։

Հռոմի պապը հոսպիտալացվել էր փետրվարի 14-ին։ Պարզվել է, որ նա ունի թոքային վարակ։ Ավելին, նրա մոտ ախտորոշվել է երկկողմանի թոքաբորբի սկզբնական փուլ։ Բժիշկները ստիպված են եղել մի քանի անգամ նրան տեղափոխել թոքերի արհեստական օդափոխության ռեժիմի։ Մարտի 20-ին հայտնի է դարձել, որ պապի վիճակը բարելավվել է, նա այլևս թթվածնի մշտական աջակցության կարիք չունի: