Զելենսկին Թրամփի հետ հեռախոսազրույցի ընթացքում լրացուցիչ Patriot զենիթահրթիռային համակարգ է խնդրել

Սպիտակ տունը չորեքշաբթի հայտնել է, որ Ուկրաինայի նախագահ Վլադիմիր Զելենսկին ԱՄՆ նախագահ Դոնալդ Թրամփի հետ հեռախոսազրույցում խնդրել է լրացուցիչ Patriot հակաօդային պաշտպանության համակարգեր, որը համաձայնել է «աշխատել նրա հետ՝ գտնելու այն, ինչ հասանելի է, հատկապես Եվրոպայում»:

Ըստ Սպիտակ տան մամուլի քարտուղար Քերոլայն Լևիթի՝ երկու նախագահները «ֆանտաստիկ» հեռախոսազրույց են ունեցել։

Լևիթը հայտնել է, որ Զելենսկին շնորհակալություն է հայտնել ԱՄՆ նախագահին ռազմական աջակցության, ներառյալ Javelin-ների համար, որը Վաշինգտոնն առաջին անգամ տրամադրել է Թրամփի առաջին վարչակազմի օրոք:

Նա հավելել է, որ առաջիկա օրերին երկու կողմերի տեխնիկական թիմերը կհանդիպեն Սաուդյան Արաբիայում։