Սերբիայում ավելի քան 300 հազար մարդ զանգվածային հակակառավարական ցույցերի է դուրս եկել

Սերբիայում շարունակվում են զանգվածային բողոքի ցույցերը նախագահ Ալեքսանդր Վուչիչի կառավարության դեմ: Նախօրեին Բելգրադի փողոցներ է դուրս եկել շուրջ 325 հազար մարդ ՝ պահանջելով պայքարել կոռուպցիայի դեմ և փոխել երկրի ղեկավարությունը:

Զանգվածային ակցիաների առիթ է դարձել անցյալ տարվա նոյեմբերին Նովի Սադի երկաթուղային կայարանում փլուզված հովանոցը. այդ ողբերգության հետեւանքով զոհվել է 15 մարդ: Ցուցարարները Վուչիչին մեղադրում են կոռումպացված կառույցներին աջակցելու, ԶԼՄ-ների ազատությունը սահմանափակելու և ընտրություններում մանիպուլյացիաների մեջ:

Ցույցերն ուղեկցվել են բախումներով։ Բելգրադի արվարձաններից մեկում ավտոմեքենան մխրճվել է ցուցարարների բազմության մեջ, երեք երիտասարդներ վնասվածքներ են ստացել: Հաղորդվում էր նաև ծայրահեղ ազգայնականների և կառավարության ենթադրյալ կողմնակիցների կողմից սադրանքների մասին:

Հանրահավաքի մասնակիցների շրջանում ամենատարածված կարգախոսներից մեկը դարձավ  «կոռուպցիան սպանում է », շատերը բողոքի ցույցերի են դուրս եկել արյունոտ ձեռքերի պատկերներով կրծքանշաններով։ Վուչիչը, մեկնաբանելով ցույցերը, հայտարարել է, որ «ցուցարարների 99 տոկոսը խաղաղ էր»: Միևնույն ժամանակ, վեց ակտիվիստներ ձերբակալվել են "սահմանադրական կարգի"դեմ գործողություններ կատարելու փորձի մեղադրանքով:ա