Սուրեն Մանուկյանը կրկին կալանավորվեց

Yerkir.am-ը տեղեկացավ, որ ՀՅԴ Հայաստանի Գերագույն մարմնի նախկին անդամ և ԱԺ նախկին պատգամավոր Սուրեն Մանուկյանին այս պահին տանից տանում են Ոստիկանության Էրեբունու բաժին, որտեղից կտանեն քրեակատարողական հիմնարկ: 

Հայտնենք, որ Վերաքննիչ քրեական դատարանը, դատավոր Աննա Մաթևոսյանի գլխավորությամբ, բեկանել է դատարանի որոշումը և Սուրեն Մանուկյանի տնային կալանք խափանման միջոցը, որը կիրառվել էր 2025 թ. հունվարի 22-ին, վերստին փոխարինել կալանավորմամբ:  

Հիշեցնենք՝ Սուրեն Մանուկյանի նկատմամբ որպես խափանման միջոց էր կիրառվել կալանավորումը, և 2022 թ. օգոստոսի 11-ից սկսած՝ նա ազատազարկված էր։ 

Մանուկյանն իրեն առաջադրված մեղադրանքը համարում է շինծու, այն չի ընդունում և իրեն մեղավոր չի ճանաչում։ 

Փաստաբանները հայտնել են, որ քրեական գործի նյութերում չկա որևէ ողջամիտ ապացույց, որի հենքի վրա կարող են մեղադրել Սուրեն Մանուկյանին, առավել ևս նրան ազատազրկեն տևական ժամանակով։