Աշխարհը պետք է վերադառնա Իրանի նկատմամբ առավելագույն ճնշման քաղաքականությանը. Թրամփի հատուկ բանագնաց

Աշխարհը պետք է վերադառնա Իրանի վրա «առավելագույն ճնշման» քաղաքականությանը՝ «այն ավելի ժողովրդավարական երկիր դարձնելու համար», հայտարարել է ԱՄՆ նորընտիր նախագահ Դոնալդ Թրամփի Ուկրաինայի հարցով հատուկ բանագնաց Քիթ Քելոգը շաբաթ օրը Փարիզում կայացած «իրանական ընդդիմության» միջոցառման ժամանակ։, հայտնում է Reuters-ը։

«Այս ճնշումը ոչ միայն կինետիկ, ոչ միայն ռազմական ուժն է, այլ պետք է լինի նաև տնտեսական և դիվանագիտական», - հայտարարել է Քելոգը:

Ըստ նրա, «Իրանը դեպի լավը փոխելու հնարավորություն կա, բայց այս հնարավորությունը հավերժ չի լինելու»։

«Մենք պետք է օգտվենք այն թուլությունից, որը հիմա տեսնում ենք։ Հույս կա, բայց պետք է նաև գործողություններ լինեն»,- ասել է նա։

Թրամփն ավելի վաղ խոստացել էր վերադառնալ իր նախորդ պաշտոնավարման ժամանակ վարած քաղաքականությանը, որի նպատակն էր ոչնչացնել Իրանի տնտեսությունը, որպեսզի «երկրին ստիպի միջուկային, բալիստիկ հրթիռների ծրագրերի և տարածաշրջանային գործունեության շուրջ բանակցություններ սկսել»: