Գազայի հատվածում Իսրայելի հարվածների հետևանքով մեկ օրում զոհվել է 28 պաղեստինցի

Գազայի հատվածում վերջին 24 ժամվա ընթացքում առնվազն 28 պաղեստինցի է զոհվել Իսրայելի պաշտպանության բանակի (IDF) հարվածների հետևանքով։ Այս մասին հունվարի 7-ին հայտնել է քաթարական Al Jazeera հեռուստաալիքը։

«Գազայի հատվածի վրա իսրայելական հարձակման հետևանքով զոհերի թիվը հասել է 28-ի», - հաղորդում է հեռուստաալիքը։

Հստակեցվում է, որ վերջին ժամերին իսրայելական բանակը գրոհել է Էլ-Բուրեյջ փախստականների ճամբարը եւ Գազա ու Ռաֆահ քաղաքները։

Անցյալ դեկտեմբերին Իսրայելի վարչապետ Բենիամին Նեթանյահուն ասել էր, որ «որոշ առաջընթաց» կա Գազայի հատվածում հրադադարի և պատանդների փոխանակման շուրջ բանակցություններում: Նա ընդգծել էր, որ առաջընթացը պայմանավորված է Գազայում ՀԱՄԱՍ-ի վրա ռազմական ճնշումներով և շարժման քաղբյուրոյի ղեկավարի մահով։