Ղազախստանում դատապարտվել են Սիրիայում ահաբեկչական կազմակերպությունների անդամներ

Ղազախստանում ավարտվել են Սիրիայում ահաբեկչական կազմակերպությունների անդամ երկու քաղաքացիների նկատմամբ դատավարությունները։ Այս մասին հայտնում է Ղազախստանի Ազգային անվտանգության կոմիտեի (ԱԱԿ) մամուլի ծառայությունը։ 

«Ավարտվել են Ղազախստանի երկու քաղաքացիների նկատմամբ Ազգային անվտանգության կոմիտեի կողմից քննված քրեական գործերով դատավարությունները։ Նրանք 2020-2022 թվականներին եղել են Սիրիայում ահաբեկչական կազմակերպությունների շարքերում»,- ասվում է հայտարարության մեջ։

Նշվել է, որ Ազգային անվտանգության կոմիտեի կողմից օտարերկրյա գործընկերների հետ համատեղ իրականացված գործողությունների արդյունքում կասկածյալները հայտնաբերվել են արտերկրում, բերվել հայրենիք և ձերբակալվել։

«Նրանցից մեկը՝ Թուրքեստանի շրջանի բնակիչը, մեղավոր է ճանաչվել ահաբեկչական խմբավորման գործունեությանը մասնակցելու մեջ։ Երկրորդը՝ Ատիրաուի բնակիչը, դատապարտվել է նմանատիպ հանցագործություն կատարելու, ինչպես նաև արտերկրում ահաբեկչական պատրաստություն անցնելու համար։ Երկու ամբաստանյալներին էլ նշանակվել են պատիժը կրելու տարբեր ժամկետներ, պատիժները մտել են օրինական ուժի մեջ»,- պարզաբանել են մամուլի ծառայությունից՝ չնշելով պատժի կոնկրետ ժամկետները։