Վրաստանի Գուդաուրի հանգստավայրի ռեստորաններից մեկում 12 մարդու դի է հայտնաբերվել

Վրաստանում Գուդաուրի լեռնադահուկային հանգստավայրի հնդկական ռեստորանում 12 մարդու մահացած են գտել: Այս մասին ըստ «ինտերֆաքս»-ի՝ երեկոյան հայտնել է Վրաստանի ՆԳՆ-ն։

Դիակները, ենթադրաբար, հաստատության աշխատակիցների, հայտնաբերվել են ռեստորանի երկրորդ հարկում։ Գերատեսչության տվյալներով՝ 12 մահացածներից 11-ը օտարերկրյա քաղաքացիներ են, 1-ը՝ Վրաստանի։

Կատարվածի առնչությամբ հետաքննություն է սկսվել:

Գերատեսչությունում չեն բացառում, որ դա դժբախտ պատահար է եղել։

«Նախնական զննությամբ դիերի վրա բռնության հետքեր չկան: Ըստ նախնական տեղեկությունների, ննջասենյակներին կից փակ սենյակում տեղադրվել է գեներատոր, որը միացվել է նախօրեին»,- նշում են ՆԳՆ-ից։