Մեռնող գյուղատնտեսությունը. ագրարային մասնագիտությունների 662 տեղի վրա ընդունվել է 5 ուսանող

Այս տարի Հայաստանի ազգային ագրարային համալսարանին ագրարային մասնագիտությունների հեռակա համակարգի գծով հատկացվել էր 662 տեղ: Yerkir.am-ին ԳԹԿ-ի փոխանցած տվյալներով՝ միասնական ընդունելության քննությունների արդյունքում համալսարան ընդունվել է 5 դիմորդ կամ համալրվել է հատկացված տեղերի ընդամենը 0,8 տոկոսը:

Yerkir.am-ը ներկայացնում է ագրարային համալսարանի ագրարային մասնագիտությունների ընդունելության արդյունքները

1. Տրանսպորտային և լոգիստիկ համակարգեր – 2 ուսանող,

2. Հողային և ջրային ռեսուրսների ճարտարագիտություն – 1 ուսանող

3. Խմորման արտադրության տեխնոլոգիա և գինեգործություն – 1 ուսանող

4. Բույսերի պաշտպանություն – 1 ուսանող

5. Անասնաբուժական սանիտարական փորձաքննություն – 0

6. Անտառային տնտեսություն և բնակավայրերի կանաչապատում – 0

7. Ջերմատնային ագրոտեխնոլոգիա - 0

8. Ագրոնոմիա, սելեկցիա և գենետիկա – 0

9. Սննդամթերքի անվտանգություն – 0

10. Պարենամթերքի տեխնոլոգիա – 0

11. Ագրոարդյունաբերական տեխնոլոգիաներ – 0

12. Մեքենասարքավորումների ճարտարագիտություն – 0:

Նման ողբերգական վիճակ ագրարայինում տիրում է արդեն մի քանի տարի՝ ԿԳՄՍ ներկա և նախկին նախարարներ Ժաննա Անդրեասյանի ու Վահրամ Դումանյանի, ագրարային համալսարանի նախկին ռեկտոր Վարդան Ուռուտյանի և ռեկտորի պարտականությունները կատարող Հրաչյա Զաքոյանի վարած անհեռատես քաղաքականության պատճառով: