Ագրարային համալսարանի Սիսիանի մասնաճյուղ ընդունվել է 1 ուսանող

Գնահատման և թեստավորման կենտրոնի տվյալներով՝ հեռակա համակարգի միասնական քննությունների արդյունքում Հայաստանի ազգային ագրարային համալսարանի Սիսիանի մասնաճյուղ ընդունվել է 1 դիմորդ: Այս մասին Yerkir.am-ի հարցմանն ի պատասխան հայտնել են Գնահատման և թեստավորման կենտրոնից։

Դիմորդն ընդունվել է «Ագրոպարենային համակարգի էկոնոմիկա» մասնագիտությամբ: Ագրարային ոլորտի մասնագիտություներում այս տարի միասնական քննությունների արդյունքում ընդհանրապես դիմորդ չի ընդունվել: 

Այս ուսումնական տարում Սիսիանի մասնաճյուղին հատկացվել էր 60 տեղ:

Այս վիճակը ագրարային համալսարանում շարունակվում է արդեն մի քանի տարի թե՛ նախկին ռեկտոր Վարդան Ուռուտյանի և թե՛ ներկայիս ռեկտորի պարտականությունները կատարող Հրաչյա Զաքոյանի պաշտոնավարման ժամանակ։