Վրաստանի դատախազությունը հարցաքննության է կանչել Զուրաբիշվիլիին

Վրաստանի դատախազությունը հոկտեմբերի 31-ին հարցաքննության է կանչել երկրի նախագահ Սալոմե Զուրաբիշվիլիին՝ հոկտեմբերի 26-ին կայացած խորհրդարանական ընտրությունների ենթադրյալ կեղծման մասին նրա հայտարարությունների պատճառով, գրում է РИА Новости-ն։

«Ըստ ԿԸՀ-ի հայտարարության և ԶԼՄ-ներում տարածված տեղեկատվության՝ Վրաստանի նախագահ Սալոմե Զուրաբիշվիլին պետք է ապացույցներ ունենա 2024 թվականի խորհրդարանական ընտրություններում հնարավոր կեղծիքների մասին։ Ուստի, օրենքի համաձայն, այս տարվա հոկտեմբերի 31-ին Վրաստանի նախագահը կանչվել է քննչական մարմին՝ հարցաքննության»,- ասվում է վերահսկիչ գերատեսչության կայքում հրապարակված հաղորդագրության մեջ։