ՀՀ-ում Արևմտյան Նեղոսի տենդով վարակվածների թիվը հասել է 58-ի, 41 մարդ հոսպիտալացված է

Արևմտյան Նեղոսի տենդով հաստատված դեպքերի թիվը հասել է 58-ի, հոսպիտալացված են 41-ը, 4-ի վիճակը ծանր է, մեկ մարդ մահացել է, լրատվամիջողներին փոխանցել են Հիվանդությունների վերահսկման և կանխարգելման ազգային կենտրոնի (ՀՎԿԱԿ) տնօրեն Ստեփան Աթոյանը:

Վարակված մոծակից մարդուն փոխանցվող այս վարակը Հայաստանում արձանագրվել է առաջին անգամ:

Ըստ Աթոյանի՝ առողջ մարդկանց մոտ վարակն աննկատ է անցնում, տարեց, քրոնիկ և ծանր հիվանդություն ունեցողերն են թիրախում:

Նրա խոսքով՝ պատվատանյութ և հստակ բուժում չկա, միայն՝ ախտանշանային բուժում:

Արևմտյան Նիլի, նույն «Արևմտյան Նեղոսի տենդի ախտանշաններն են՝ թեթև դեպքերում՝ ջերմություն, գլխացավ, մկանացավ, հոգնածություն, մաշկի ցան, աչքերի ցավ կամ անհանգստություն: Իսկ ծանր դեպքերում հիվանդը կունենա ուժեղ գլխացավ, բարձր ջերմություն, պարանոցի ցավ, կարկամություն, գիտակցության կորուստ, ցնցումներ, մկանների թուլություն կամ կաթված:

Այս հիվանդությունը մարդուց մարդուն չի փոխանցվում, միայն մոծակից մարդուն:

Հիվանդությունների կանխարգելման և վերահսկման եվրոպական կենտրոնի տվյալներով՝ այս տարվա սկզբից մինչև հուլիսի 31-ը, Եվրոպական 8 երկրում արձանագրվել է վարակվածության 69 դեպք, 8 մարդ մահացել է: Իսկ ամերիկյան կենտրոնի պաշտոնական թվերով՝ տարեսկզբից մինչև օգոստոս ամերիկայում արձանագրվել է վիրուսի 174 դեպք: