«Տաշիր պիցցա» կետերից օգտված, թունավորված և հոսպիտալացված քաղաքացիների թիվը հասել է 57-ի

ՀՀ առողջապահության նախարարությունը հայտնում է, որ ժամը 21:30-ի դրությամբ թունավորման ախտանշաններով հոսպիտալացվել է 57 քաղաքացի, որից 49-ը բուժօգնություն է ստանում Ինֆեկցիոն հիվանդությունների ազգային կենտրոնում, 4-ը՝ «Արմենիա» հանրապետական բժշկական կենտրոնում, 2-ը՝ Միքայելյան վիրաբուժության ինստիտուտում, 2-ը՝ Մարտունու բժշկական կենտրում։

Ավելի վաղ նախարարության «Հիվանդությունների վերահսկման և կանխարգելման ազգային կենտրոնից» ստացված տեղեկատվության համաձայն՝ երեկ Ինֆեկցիոն ազգային կենտրոն է ընդունվել 15 քաղաքացի՝ աղիքային ինֆեկցիա նախնական ախտորոշմամբ: Նրանցից 2-ը երեխա է՝ 10 և 13 տարեկան։ Բոլոր քաղաքացիները նշել են, որ սնվել են «Տաշիրի պիցա» հանրային սննդի կետում՝ 13-ը՝ Երևանի Հյուսիսային պողոտայում, իսկ 2-ը՝ Խանջյան փողոցի վրա գտնվող:

Առողջապահության նախարարությունը հորդորում է վերջին 2 օրվա ընթացքում նշված պիցցերիաների ցանցից օգտված քաղաքացիներին դիմել բժշկական օգնության` ջերմության բարձրացում, փորլուծություն, փսխում, սրտխառնոց, ընդհանուր թուլություն ունենալու դեպքում:

Տես նաև՝  «Տաշիր պիցցա» կետերից օգտված, թունավորված և հոսպիտալացված քաղաքացիների թիվը հասել է 44-ի:

Տես նաև՝ «Տաշիր Պիցցա»-ի մասնաճյուղերը ժամանակավորապես փակ կլինեն: