Մի քանի տարի առաջ «տիեզերք» էին ուզում Ագրարային համալսարանից կառավարության հետ բարձրանալ. Աշոտ Հարությունյան

Հ2-ի տաղավարում, Շավարշ Գևորգյանին հյուրընկալվել է ՀՀ գյուղատնտեսության նախկին փոխնախարար Աշոտ Հարությունյանը։

Աշոտ Հարությունյանն անդրադարձել է մեր երկրում ագրարարային կրթության ներկա վիճակին՝ նշելով, որ այսօր մենք չունենք գյուղմթերքի պահպանման տեխնոլոգներ, որ մարդկանց հուշեն, ցույց տան, թե որ ապրանքը, ինչքան ժամանակ, ինչ պայմաններում պետք է պահել: «Կրթող էլ չունենք: Մի քանի տարի առաջ «տիեզերք» էին ուզում ագրարային համալսարանից կառավարության հետ բարձրանալ: Հիմա արդեն հիմնական կորպուսներից մեծը տալիս են ֆրանսիական համալսարանին, մյուսն էլ, ինձ թվում, շուտով կտան: Եթե ֆրանսիական համալսարանին եք տալիս, ֆրանսիականը ինչ մասնագետներ է պատրաստելու: Եթե չունենք բույսերի պաշտպաններ, չունենք ագրոնոմներ, մելիորատորներ, տեխնոլոգներ, վաղն ինչ ենք անելու»,-նշել է նա։