Փոխարժեքներ
08 09 2024
|
||
---|---|---|
USD | ⚊ | $ 387.09 |
EUR | ⚊ | € 429.94 |
RUB | ⚊ | ₽ 4.32 |
GBP | ⚊ | £ 509.68 |
GEL | ⚊ | ₾ 143.79 |
Իտալիայի հարկային ոստիկանությունը շաբաթ օրը հայտարարել է, որ հյուսիսային Վերոնա նահանգում իրենք «աշխատանքի ստրկական պայմաններից» ազատել են գյուղատնտեսական աշխատանք կատարող 33 հնդիկի՝ միաժամանակ մոտ կես միլիոն եվրո առգրավելով երկու հանցախմբի ենթադրյալ ղեկավարներից, հաղորդում է AP-ն:
Ոստիկանությունը հայտնել է, որ երկու ենթադրյալ հանցագործները, որոնք նույնպես հնդիկներ են, համոզել են իրենց հայրենակիցներին գալ Իտալիա՝ յուրաքանչյուրին վճարելով 17,000 եվրո՝ սեզոնային աշխատանքի թույլտվություն ստանալու համար:
Այնուհետև տղամարդկանց ստիպել են աշխատել ագարակներում՝ շաբաթը յոթ օր, օրական 10-12 ժամ՝ մեկ ժամի համար վճարելով ընդամենը 4 եվրո, այս պայմաններն իտալական ոստիկանությունն անվանել է «ստրկություն»:
Որոշ միգրանտների նաև խնդրել են շարունակել անվճար աշխատել՝ վճարելով լրացուցիչ 13,000 եվրո մշտական աշխատանքի թույլտվության համար, որը նրանք իրականում երբեք չէին ստանա, ավելացրել է ոստիկանությունը:
Երկու ենթադրյալ հանցագործները հետաքննվում են իրականացրած հանցագործությունների համար, ներառյալ ստրկացումը և աշխատանքային շահագործումը: Զոհերին կառաջարկվի պաշտպանություն, աշխատանքի տրամադրման հնարավորություններ և օրինական բնակության փաստաթղթեր: