Եգիպտոսում ավտոբուսը խորտակվել է Նեղոս գետը, զոհվել է առնվազն 9 կին և երեխա

Առնվազն ինը կին և երեխա են զոհվել, երբ երեքշաբթի փոքր ավտոբուսը, որում եղել է մոտ 20 մարդ, Կահիրեի մերձակայքում անսպասելիորեն սահել է լաստանավի վրայից և ընկել Նեղոս գետը: Վթարի պատճառը դեռևս հայտնի չէ։

Ըստ Associated Press-ի՝ առողջապահության նախարարության հաղորդագրության մեջ նշվում է, որ Գիզա նահանգի Մոնշատ էլ-Քանաթեր քաղաքում տեղի ունեցած վթարի հետևանքով  ևս ինը ուղևոր է վնասվածքներ ստացել:

Վեց տուժածի տեղում բուժօգնություն է ցուցաբերվել, ևս երեքը տեղափոխվել են հիվանդանոց։ Նախարարությունը չի հստակեցրել՝ նրանք ինչ վնասվածքներ են ստացել։

Գիզայի նահանգի նահանգապետ Ահմեդ Ռաշեդը հայտնել է, որ ավտոբուսը դուրս է բերվել գետից, և փրկարարական աշխատանքները դեռ շարունակվում են: