կարևոր
2386 դիտում, 1 ամիս առաջ - 2024-05-20 21:48
Քաղաքական

Նիկոլի նախկին աշխատողները մեզ վախեցնում են նախկինով. Սևակ Հակոբյան

Նիկոլի նախկին աշխատողները մեզ վախեցնում են նախկինով. Սևակ Հակոբյան

Yerevan.Today-ի գլխավոր խմբագիր Սևակ Հակոբյանը գրել է․

«ՔՊ իշխանությունը, ուսապարկ-պատգամավորները, իրենց ասելով իսկ Կիրանցում անելիք չունեն․ ժողովրդի ձեռքից խլում են ունեցվածքը, հայրենի գյուղը, տունուտեղը. ժողովրդի անունից վեր-վեր թռնող քպականները այնտեղ անելիք չունեն, ավելին փորձում են համոզել, որ ամեն բան ճիշտ ա։

Բա էն Նիկոլի Էդմոնը, էն որ բոլ բոլ հղիանալուց, 2-3 երեխա բերելուց հետո եկել-ասում է` դե ես միշտ էլ կույս եմ եղել. ասում են՝ գնացել սրբազանին պայման ա դրել, թե բա կմիանանք, բայց նենց չլինի, որ պարզվի «նախկինները» շահեն։ Թե էդ իրենց միանալը ո՞րն ա, քանի՞ հոգով են, ի՞նչ են կարողանում առհասարակ անել, դա էլ պարզ չի։

Էն օրն էլ սրբազանի հավաքին մասնակից էր նախկին գլխ․դատախազ Արթուր Դավթյանը․ դե էն կերպարը, որը Փաշինյանին լռիվ թև ու թիկունք եղավ այս աղետը բերել ու բարեհաջող տեղ հասցնելու ճանապարհին։ Հիմա, видите ли, համաձայն չի ժողովրդին պատերազմով վախեցնելով, ձեռքից գյուղ, տուն ու տեղ վերցնելուն։ Սա էլ դե Կիրանցում անելիք չունի․ հանրահավաք էր, մի պահ էլ ինքը եկավ-երևաց գնաց։

Էն Հայկ Մարությանը, որ իր կուսակցական կազմակերպելով ա զբաղված, օր ու գիշեր, մնացած սաղ մի կողմ՝ սա էլ պատրաստվում ա 2026թ․ ընտրություններին․ էսօր հազիվ բարեհաճեց սրբազանի կոչին արձագանքել․ թե բա՝ իհարկե, չնայած որ խոր գաղափարական անահամաձայնություն իբր ունի շարժման կողքին կանգնած հիմնական քաղաքական ուժերի հետ։

Սրանք բոլորը ու իրականում շատերը Կիրանցում անելիք չունեն, նույն ՔՊ-ի, Էդմոնի, Դավթյան Արթուրի, Կարգին Հայկոյի նման․ իրենց հաշվարկները այլ են, չոր քաղաքական են, ժողովրդի հետ կապ չունեն։

Իսկ այ էդ հենց Հայկոյի մատնանշած հիմնական քաղաքական ուժերի պատգամավորները, օր ու գիշեր սար ու ձորերով ընկած են, անօրինական շրջափակված գյուղ են գնում, ժողովրդի հետ լինելու, ոստիկանի ու գյուղացու մեջտեղն են կանգնում, նույն ձև քաշքշվում, հետո գնում ոստիկանություն, որ մատով չկպնեն և այլն, և այլն։

Հիմա ես, լրագրող եմ, քաղաքացի եմ, մի սահմանամերձ գյուղից էլ ես եմ, ես ո՞նց մտածեմ, որ Էդմոնը, Հայկոն, Արթուրը կամ առավելևս ՔՊ որևէ ուսապարկ ազնիվ ա, քան Աննան, Ասպրամը, Ագնեսան, Գառնիկը, Արմանը, Արթուրը, Մհերը․․․ Բոլորը, ի միջի այլոց, Ռոբերտ Քոչարյանի առաջնորդած Հայաստան խմբակցության պատգամավորներն են․ այդտեղ ես չտեսա Լուսավոր Հայաստանից, “Նոր ուժ” կուսակցությունից (դա Հայկ Մարությանի կուսակցությունն է), չտեսա նախկին գլխավոր դատախազ Դավթյանին, որը կարող էր կանգնել այ էն ագրեսիվ, բիբերը մեծացած աչքերով բերետավորի դիմաց ու փորձեր կանխել, որ լրագրողին կամ գյուղացուն պոլով չտան։ Դե իհարկե, այդտեղ չենք տեսնի ժողովրդի անունից խոսող Ալենին, որը այս օրերին Իտալիայում շրջագայում է։ Բայց, չգիտես ինչու, իրենք բոլորով կույս են խաղում ու մեզ համոզում, որ ճիշտը նախկինները ու նրանց թիմակիցները այլևս չլինեն։

Ոնցոր անհետաքրքիր կրկես նայեմ, լուրջ եմ ասում, Նիկոլի նախկին աշխատողները մեզ վախեցնում են նախկինով»։