Վահագն Մախսուդյանի փաստաբանական թիմն համալրվել է․ գործին ծանոթանալու համար փաստաբանները ընդմիջում են խնդրել

Երևան քաղաքի Ավան և Նոր Նորք վարչական շրջանների ընդհանուր իրավասության դատարանում այս պահին ընթանում է գնդապետ Միհրան Մախսուդյանի որդու՝ Վահագն Մախսուդյանի խափանման միջոց կիրառելու հարցը։

Փաստաբանական խմբին են միացել ևս երեք փաստաբան ` փաստաբաններ Վարազդատ Հարությունյանը, Արամ Օրբելյանը , Սերգեյ Մարաբյանը։ Նրանք 20 րոպե ընդմիջում են խնդրել՝ գործի նյութերին տեղում ծանոթանալու համար։

Ավելի վաղ տեղեկացրել էինք, որ Վահագն Մախսուդյանի նկատմամբ խափանման միջոցի գործը քննում է դատավոր Մասիս Մելքոյանը։

Մախսուդյանին մեղադրանք է առաջադրել այն բանի համար, որ նա մեկ անգամ հարվածել է իր և այլ մարդկանց վրա քշող, շրջապատին հայհոյող անձանց մեքենայի դիմապակուն։ Արարքը որակվել է խուլիգանություն։