կարևոր
3202 դիտում, 1 ամիս առաջ - 2024-04-23 16:03
Քաղաքական

Այսօր ով գնում է Ջահերով երթին կամ վաղը ով կգնա Ծիծեռնակաբերդ, Նիկոլ Փաշինյանի հակառակորդներն են. Սևակ Հակոբյան

Այսօր ով գնում է Ջահերով երթին կամ վաղը ով կգնա Ծիծեռնակաբերդ, Նիկոլ Փաշինյանի հակառակորդներն են. Սևակ Հակոբյան

YerevanToday-ի խմբագիր Սևակ Հակոբյանը ֆեյսբուքյան իր էջում գրում է․

«Թուրքիայի նախագահ Ռեջեփ Էրդողանը հայտարարել է․ «Տարածաշրջանում հիմա նոր կարգ է հաստատվում, ժամանակն է հրաժարվել անհիմն հիշողություններից, ավելի լավ է գործել՝ ելնելով ներկա ժամանակի իրողություններից: Հիմա դա հասկանում է նաև Փաշինյանը։ Հիմա ժամանակն է իրատեսական հիմքի վրա ստեղծել նոր ճանապարհային քարտեզներ։ Հուսով եմ, որ Հայաստանը կազատվի այն խավարից, որի մեջ ներքաշել է Սփյուռքը և կընտրի նոր ուղի՝ հանուն պայծառ ապագայի»։

Էրդողանը փաստացի հայտարարում է, որ Փաշինյանն էլ է իր հետ համամիտ, «նա հասկանում է», որ առանձնապես բան էլ չի եղել, անհիմն հիշողություններ են, ընդամենը Սփյուռքն է ներքաշել հայ ազգը «այս խավարի» մեջ։ Այսօրվա Ջահերով երթին ով մասնակցի, միաժամանակ իր բողոքն ու խոնարհումն է արտահայտելու թուրքական իշխանության կողմից իրագործած Ցեղասպանությանը, որը 109 տարի առաջ անհիմն համարում էին Թալեաթը, Էնվերը, այսօր Էրդողանը ու որն ընդունում ու հասկանում է Փաշինյանը։

Փաստացի, այսօր ով գնում է Ջահերով երթին կամ վաղը ով կգնա Ծիծեռնակաբերդ, ըստ էության Նիկոլ Փաշինյանի հակառակորդներն են։

Ջահերով երթը կմեկնարկի Հանրապետության հրապարակից այսօր՝ 19։15 ից»։