Մարտի 30-ից հայկական բանկերի մեծ մասը կդադարեցնի ռուսական «Միր» քարտերի ընդունումը

Ռուսական «Միր» վճարային համակարգի քարտերը 2024 թվականի մարտի 30-ից կդադարեն գործել Հայաստանի բանկերի մեծ մասի բանկոմատներում և POS տերմինալներում, բացառությամբ ՎՏԲ Արմենիա Բանկի ենթակառուցվածքի (ռուսական ՎՏԲ-ի դուստր ձեռնարկություն): Այս մասին РБК-ին հայտնել է ՎՏԲ Հայաստանի ներկայացուցիչը։

«Մարտի 30-ից քարտից օգտվողներն այլևս չեն կարողանա անկանխիկ վճարումներ կատարել POS տերմինալներում և գումար կանխիկացնել հանրապետության այլ բանկերի բանկոմատներից։ Դա ոչ մի կերպ չի ազդի ՎՏԲ քարտերի (Հայաստան) աշխատանքի վրա»,- РБК-ին ասել է ՎՏԲ-ի հայաստանյան մասնաճյուղի ներկայացուցիչը։ Նա հավելել է, որ բանկը շարունակում է «Միր» քարտերի սպասարկումն ամբողջությամբ։

«ՎՏԲ խմբի բանկերի և ցանկացած այլ ռուսական բանկերի Mir քարտերի սեփականատերերին դեռևս հասանելի են հիմնական ծառայությունները․ՎՏԲ-ի բանկոմատներից (Հայաստան) գումարի կանխիկացում, առցանց բանկինգում ծառայությունների վճարում, առցանց գնումներ (եթե ծառայությունն աջակցում է Mir քարտերին)»,- պարզաբանել է վարկային հաստատության ներկայացուցիչը։ 

Հայաստանում գործում է ՎՏԲ-ի 53 մասնաճյուղ, որից 22-ը գտնվում է Երևանում։ Հաճախորդներին հասանելի են նաև ավելի քան 190 բանկոմատներ ամբողջ երկրում:

«Մենք շարունակում ենք աշխատել բարեկամ երկրների հետ՝ իրենց ենթակառուցվածքում Mir քարտերն ընդունելու համար։ Միևնույն ժամանակ, յուրաքանչյուր երկիր ինքն է որոշում այդ քարտերն ընդունելու վերաբերյալ»,- ասում է Ռուսաստանի Բանկի ներկայացուցիչը։

««Միր» վճարային համակարգը իր կողմից չի սահմանափակում արտասահմանյան գործընկերների հետ աշխատանքը: Սակայն Mir քարտերն իրենց սարքերի ցանցում ընդունելու որոշումն այլ երկրների բանկերն ինքնուրույն են ընդունում»,- նշում է նա։

Դա պայմանավորված է նրանով, որ փետրվարին ԱՄՆ-ն պատժամիջոցներ է սահմանել Ազգային վճարային քարտերի համակարգի ՝ «Միր» օպերատորի դեմ: