Արցախահայության ձայնը լսելի դարձնելու համար շուտով լայնամասշտաբ ծրագիր կմեկնարկի․ Մետաքսե Հակոբյան

«Արդարություն և վերադարձ» հայ ազգային և մշակութային արժեքների պահպանման ՀԿ-ն մշակել և շուտով կմեկնարկի լայնամասշտաբ ծրագիր, որի նպատակն է լսելի դարձնել արցահայության ձայնը: Այս մասին ֆեյսբուքյան իր էջում գրել է Արցախի ԱԺ «Արդարություն» խմբակցության պատգամավոր, «Արդարություն և վերադարձ» ՀԿ նախագահ Մետաքսե Հակոբյանը:

«Արցախի երիտասարդության որոշիչ ձայնը» ծրագիրը կիրականացվի Հայաստանի Հանրապետության 10 մարզերում, ծրագրին կմասնակցեն բռնի տեղահանված մեր երիտասարդները, որոնք հնարավորություն կունենան բարձրաձայնել իրենց խնդիրներն ու այն բոլոր մտքերը, որոնք այս ընթացքում կուտակվել ու հրատապ լսելիություն են պահանջում։

Ծրագրի նպատակն է՝

- Լսել և լսելի դարձնել արցախահայության ձայնը:

- Վեր հանել Հայաստանում բնակություն հաստատած՝ բռնի տեղահանված արցախցիների խնդիրները:

- Քննարկել և իմի բերել այն բոլոր հնարավոր տարբերակներն ու ուղիները, որոնք կարող են օգնել բոլորիս վերադառնալ Արցախ:

- Քննարկել այս պահին տիրող իրավիճակը:

- Հասկանալ, թե ի՞նչ խնդիրների են բախվում արցախցի երիտասադրները Հայաստանում և գտնել դրանց լուծման ճանապարհային քարտեզը:

Ծրագրի ավարտին ՀԿ-ն հանդես կգա մամուլի ասուլիսով, որի ընթացքում կներկայացվի քննարկումների ամփոփ պատկերը:

Աշխատանքների արդյունքները կներկայացվի ՀՀ կառավարությանը, միջազգային կազմակերպություններին և բարերարներին՝ հետագա ծրագրերի իրականացման նպատակով:

Համագործակցության ենք հրավիրում շահագրգիռ կազմակերպություններին և բոլոր սրտացավ մարդկանց, ովքեր որևէ կերպ կցանկանան աջակցել այս ծրագրի իրականացմանը:

ԶԼՄ-ների լուսաբանման համար հանդես կգանք հայտարարությամբ։

Հարցերի և համագործակցության համար՝

«Արդարություն և վերադարձ» հայ ազգային և մշակութային արժեքների պահպանման ՀԿ՝

Ք. Երևան, Արա Սարգսյան 6

ՀՎՀՀ - 01345514

Հեռ. +37497212297, +37497230043, +37493409525

e-mail – [email protected]

ԱՐԱՐԱՏԲԱՆԿ ԲԲԸ

EUR/ ԵՎՐՈ - 1510004856460461

AMD /ՀՀ դրամ - 1510015231181195

RUB /Ռուսական ռուբլի - 1510008906256238

USD /ԱՄՆ դոլար - 1510016044964931 ՀԱՅՐԵՆԻՔԻՆ ՄԵՐ ՈւԺԸ, ՄԻՏՔԸ, ԿԱՄՔԸ, ՀԱՅԿԱԿԱՆՈւԹՅՈւՆՆ Ու ՍԵՐՆ Է ՊԵՏՔ...»։