կարևոր
1471 դիտում, 1 ամիս առաջ - 2024-02-29 11:00
Քաղաքական

5908 զինծառայողից 2957-ի աշխատավարձը չի բարձրացել, այսինքն՝ ատեստացիան բալասանը չէ․ Գեղամ Մանուկյան

ԱԺ-ի օրակարգում՝ ՀՀ կառավարության ներկայացրած ««Զինվորական ծառայության և զինծառայողի կարգավիճակի մասին» օրենքում լրացումներ կատարելու մասին և «Պետական պաշտոններ և պետական ծառայության պաշտոններ զբաղեցնող անձանց վարձատրության մասին օրենքում լրացումներ կատարելու մասին» օրենքների նախագծերի փաթեթը երկրորդ ընթերցմամբ և ամբողջությամբ ընդունելու հարցն է։

«Հայաստան» խմբակցության պատգամավոր Գեղամ Մանուկյանը նշեց, որ ընդդիմությունը կողմ է քվեարկելու նախագծին, քանի որ սա կբարելավի հայրենիքի պաշտպանների սոցիալական վիճակը, սա փորձ է բարելավելու վճարման համակարգը։ Մանուկյանի սակայն հավելեց՝ ատեստացիայով միայն զինված ուժերում զինծառայողների վարձատրությունը բարձրացնելու փորձերը համակարգային լուծում չեն։ Շատ կարևոր է ազային աշխատավարձի փոփոխության հարցը։ Վերջին 1-1,5 տարում շատ է քննարկվում, որ ատեստացիայով աշխատավարձ է բարձրացվում։ Այս մասին նշեց Նա նաև նշեց երեկվա պաշտպանության և անվտանգության հարցերի մշտական հանձնաժողովում փոխնախարար Կարեն Բրուտյանի նշած թվերը։ «5908 զինծառայողից 2957-ի աշխատավարձը չի բարձրացել, անբավարար են ստացել։ Ոչ թե վատ զինծառայող է կամ գիտելիքն է պակաս, այլ 1000 ուրիշ պատճառ կա։ Այսինքն՝ ատեստացիան բալասանը չէ» ,-ասաց նա։

Նշենք իհարկե, որ նախարարի ներկայացրած թվերի համաձայն՝ ատեստավորմանը մասնակցել է 5783 զինծառայող։

Մանրամասն՝ տեսանյութում