ՌԴ-ն աշխատում է Ադրբեջանում և Հայաստանում իր հյուպատոսական ներկայությունն ընդլայնելու ուղղությամբ. Գալուզին

Ռուսաստանն աշխատում է ընդլայնել իր հյուպատոսական ներկայությունը Ադրբեջանում և Հայաստանում, դրանք բարեկամ երկրներ են, որոնք ունեն ընդհանուր պատմություն և մշակույթ։ Այս մասին ТАСС-ին տված հարցազրույցում հայտարարել է ՌԴ ԱԳՆ ղեկավարի տեղակալ Միխայիլ Գալուզինը։

«Մենք աշխատում ենք Ադրբեջանում և Հայաստանում մեր հյուպատոսական ներկայությունն ընդլայնելու հարցի շուրջ, ԱՊՀ երկրներում դիվանագետների աշխատանքի առանձնահատկությունն առաջին հերթին կայանում է նրանում, որ նրանք բարեկամ երկրներ են, որոնց հետ մեզ միավորում է բազմադարյա համատեղ պատմությունը, միմյանց ավանդույթների խորը ըմբռնումը, ընդհանուր մշակույթը և ռուսաց լեզուն»,-ասել է Գալուզինը։

Ըստ Գալուզինի՝ նման մթնոլորտում «անկասկած ավելի հարմար է աշխատել, քան այնտեղ, որտեղ տիրում է ռուսաֆոբիան և կասկածամտությունը մեր դիվանագետների նկատմամբ»։