կարևոր
3130 դիտում, 3 ամիս առաջ - 2024-01-30 21:18
Աշխարհ

1973-ից ի վեր Մերձավոր Արևելքում նման վտանգավոր իրավիճակի չենք բախվել. Բլինկեն

1973-ից ի վեր Մերձավոր Արևելքում նման վտանգավոր իրավիճակի չենք բախվել. Բլինկեն

Մերձավոր Արևելքի ներկայիս հակամարտությունն այնքան վտանգավոր է, որ մենք պետք է հետ գնանք ավելի քան 50 տարի՝ տարածաշրջանի համար ավելի վտանգավոր ժամանակ գտնելու համար, երկուշաբթի նախազգուշացրել է ԱՄՆ պետքարտուղար Էնթոնի Բլինկենը, գրում է New York Post-ը։

Տարածաշրջանում լարվածության աճի մասին Բլինկենի գնահատականը հնչել է այն բանից հետո, երբ անօդաչու թռչող սարքը հարձակվել է Հորդանանում ԱՄՆ ռազմական հենակետի վրա, որի հետևանքով զոհվել է բանակի երեք զինծառայող և վիրավորվել 40 հոգի:

«Կարծում եմ, որ շատ կարևոր է նշել, որ մերձավորարևելյան տարածաշրջանում աներևակայելի անկայուն ժամանակներ են»,- լրագրողներին ասել է Բլինկենը՝ ՆԱՏՕ-ի գլխավոր քարտուղար Յենս Ստոլտենբերգի հետ մամուլի ասուլիսի ժամանակ։

«Ես կասեի, որ առնվազն 1973 թվականից, և գուցե ավելի վաղ, մենք չենք բախվել այնպիսի վտանգավոր իրավիճակի, ինչպիսին այժմ բախվում ենք տարածաշրջանում», - ընդգծել է ԱՄՆ պետքարտուղարը՝ նկատի ունենալով Յոմ Կիպուրի երկշաբաթյա պատերազմը, երբ Իսրայելը պայքարեց եգիպտական, սիրիական, սաուդյան, մարոկկոյի և կուբայի զորքերի անսպասելի հարձակման դեմ՝ հուդայականության տարվա ամենասուրբ օրը:

Հրապարակումն ընդգծում է, որ ԱՄՆ պետքարտուղարի նախազգուշացումը կտրուկ հակասում է Ազգային անվտանգության հարցերով խորհրդական Ջեյք Սալիվանի սխալ վերլուծությանը Foreign Policy-ի էսսեում, որը գրվել է 2023 թվականի հոկտեմբերի 7-ին Իսրայելի վրա ՀԱՄԱՍ-ի հարձակումից անմիջապես առաջ:

«Իրոք, թեև Մերձավոր Արևելքը դեռ բախվում է շարունակական մարտահրավերներին, տարածաշրջանն ավելի հանգիստ է, քան եղել է տասնամյակների ընթացքում», - գրել է Սալիվանն Իսրայելի վրա ՀԱՄԱՍ-ի հարձակումից առաջ հրապարակված իր էսսեի մի հատվածում:

Այս տողը հանվել է հոդվածի առցանց տարբերակից, որը ներառում էր խմբագրի նշումը, որտեղ բացատրվում էր, որ հոդվածը «թարմացվել է Իսրայելի վրա ՀԱՄԱՍ-ի հարձակման պատճառով, որը տեղի է ունեցել հոդվածի տպագիր տարբերակի հրապարակումից հետո»: