Ադրբեջանն ու Հայաստանը ավելի քան երբևէ մոտ են խաղաղության պայմանագրին․ Թուրքիայի ԱԳՆ

Ներկա փուլում Ադրբեջանն ու Հայաստանը ավելի քան երբևէ մոտ են խաղաղության համաձայնագրին։ ТАСС-ի փոխանցմամբ այս մասին հայտարարել է Թուրքիայի արտգործնախարար Հաքան Ֆիդանը Բաքվում կայացած մամուլի ասուլիսում, որտեղ նա գտնվում է պաշտոնական այցով։

«44-օրյա պատերազմից հետո պատմական հնարավորություն է ստեղծվել տարածաշրջանում խաղաղության հասնելու համար։ Մենք կարծում ենք, որ այսօր, առավել քան երբևէ, խաղաղության համաձայնագրի հասնելու այս հնարավորությունը շատ ավելի իրական է և այլևս չպետք է խուսափել դրանից։ Մենք ողջունում ենք դրական առաջընթացը Ադրբեջանի և Հայաստանի միջև մշտական ​​խաղաղության համաձայնագրի կնքման և սահմանների սահմանման ուղղությամբ»,- ասել է նա։