կարևոր
2287 դիտում, 2 ամիս առաջ - 2023-11-25 17:11
Քաղաքական

Պետական հիմնարկներում հրաժարվում են արցախցիներին աշխատանքի ընդունել․ Նաիրի Հոխիկյան

Պետական հիմնարկներում հրաժարվում են արցախցիներին աշխատանքի ընդունել․ Նաիրի Հոխիկյան

Մեդիափորձագետ Նաիրի Հոխիկյանի ֆեյսբուքյան գրառումը.

 «Արցախից ժամանակավորապես տեղահանված մեր հայրենակիցները հաճախ են դժգոհում, որ Հայաստանի տարբեր պետական հիմնարկներում հրաժարվում են իրենց աշխատանքի ընդունել՝ ներքին կարգով պատճառաբանելով, թե հրահանգ ունեն չընդունել աշխատանքի, քանի դեռ Արցախցիները չեն փոխել անձնագրերը և չեն հրաժարվել Արցախի քաղաքացիությունից՝ դառնալով Հայաստանի քաղաքացի։ Այս խնդրի իսկությունը պարզելու համար պաշտոնական նամակով դիմել եմ ՀՀ աշխատանքի և սոցիալական հարցերի նախարարություն՝ խնդրելով հստակ պատասխանել՝ ՀՀ-ում պետական գերատեսչություններում աշխատանքի ընդունվելու ի՞նչ պարտադիր պայմաններ կան Արցախի Հանրապետության քաղաքացիների համար, և արդյո՞ք Արցախի Հանրապետության կողմից տրված 070 կոդով ՀՀ կապույտ անձնագրերը բավարար փաստաթուղթ են համարվում։ Եթե այո, ապա օրենքի և իրավունքի ուժով արդյո՞ք Արցախի Հանրապետության քաղաքացիները կարող են դիմել ՀՀ պետական համակարգում աշխատանքի թափուր պաշտոնների համար, եթե ոչ, ապա անձը հաստատող ի՞նչ փաստաթուղթ պիտի ներկայացնեն։ ՀՀ աշխատանքի և սոցիալական հարցերի նախարարությունը հարցումը վերահասցեագրել է ՀՀ վարչապետին։ Դեռ սպասում ենք պաշտոնական պատասխանի»։