Արցախի սուբյեկտայնությունը պետք է պահպանվի՝ բոլոր ինստիտուտներով. Սեյրան Օհանյան

ԱԺ-ում, Հայաքվեի նախագծի շուրջ կազմակերպված լսումների ավարտին, «Հայաստան» խմբակցության ղեկավար Սեյրան Օհանյանը հետևյալ դիտարկումներն արեց.

«Հիմնավորվեց՝ Արցախի  ժողովրդի ինքնորոշման իրավունքի պաշտպանությունը և Հայոց ցեղասպանության ազդեցությունը նսեմացնող թեզը և, հատկապես, հիմնավորվեց Արցախի ինքնորոշման գաղափարի շարունակական դարձնելը: Պետք է ֆիքսենք, որ ինքնորոշման իրավունքը պետք է շարունակական դարձնել, Արցախի էջը փակ չէ, դեռ ավելին՝ Ադրբեջանի հանցավոր քաղաքականության արդյունքում հակամարտությունն ավելի է խորացել և Ադրբեջանը միջազգային հարթակներում պետք է պատասխան տա էթնիկ զտման և ցեղասպանության համար»,-ասաց Սեյրան Օհանյանը:

Նրա  համոզմամբ՝ Արցախի սուբյեկտայնությունը պետք է պահպանվի՝ բոլոր ինստիտուտներով: 

 «Ետխորհրդային այս տարիների ընթացքում Արցախն իր պետական ինստիտուտներով եղել է օրինակելի՝ ժողովրդավարակ հիմունքներ, օրինականություն, անվտանգության ապահովում, Արցացախը սահմանապահ է եղել Հայաստանի ու հայ ժողովրդի համար»: