«Արմավիր» ՔԿՀ-ում տեղաբաշխումների խնդրի կապակցությամբ հացադուլ հայտարարած դատապարտյալներ չկան. ՔԿՀ

ՀՀ արդարդադատության նախարարության «Արմավիր» քրեակատարողական հիմնարկում տեղաբաշխումների խնդրի կապակցությամբ հացադուլ հայտարարած դատապարտյալներ չկան, այս մասին Yerkir.am-ին հայտնեցին  ՀՀ ԱՆ քրեակատարողական ծառայության հանրային կապերի բաժնից։

«Զանգվածային լրատվության որոշ միջոցներով տեղեկություն է տարածվել այն մասին, որ ՀՀ ԱՆ «Արմավիր» քրեակատարողական հիմնարկում 51 ազատազրկված անձ հացադուլ է հայտարարել:

Հայտնում ենք, որ հիմնարկի ներսում տեղաբաշխումները բարձրացրել են որոշ դատապարտյալների դժգոհությունը, ինչն էլ օրենքով սահմանված կարգով լուծվել է: Ներկայումս վերոնշյալ խնդրի կապակցությամբ հացադուլ հայտարարած դատապարտյալներ չկան»,- ասված է հաղորդագրությունում։