կարևոր
4735 դիտում, 3 ամիս առաջ - 2023-10-29 11:37
Արցախ Հասարակություն

Ռազմական գործողություններն սկսելուց ժամեր անց հասկացել եմ, որ մնացել ենք մենակ. ռուսական կողմը դիտորդի դերում էր. Շահրամանյան

Ռազմական գործողություններն սկսելուց ժամեր անց հասկացել եմ, որ մնացել ենք մենակ. ռուսական կողմը դիտորդի դերում էր. Շահրամանյան

Ռազմական գործողություններն սկսելուց ժամեր անց հասկացել եմ, որ մնացել ենք մենակ. ռուսական կողմը դիտորդի դերում էր: Արցախի հանրային հեռուստաընկերությանը տված հարցազրույցում հատարարել է Արցախի նախագահ Սամվել Շահրամանյանը:

«Սեպտեմբերի 19-ին ես առավոտյան գտնվում էի ռուս խաղաղապահների հրամանատարի մոտ, առաջին ազդակը, որ հնարավոր է սկսվի ռազմական գործողությունները, եղել է այն, որ Շուշիի տանկի հուշարձանի մոտ, որտեղ կա 2 հենակետ՝ ռուսական ու ադրբեջանական և ադրբեջանական հենակետից մոտեցել են ռուսական հենակետին ու զգուշացրել, որ թաքցրեք անձնակազմը, շուտով կաշխատի հրետանին։ Այդ փաստը մենք ներկայացրել ենք ռուս խաղաղապահների հրամանատարին․ նրանք էլ էին տեղյակ դրա մասին, և ճշտումներից հետո հաստատվել է էդ փաստը։ Ինձ համար պարզ է եղել, որ որոշ ժամանակ անց հնարավոր է սկսվի ռազմական գործողությունը։ Արդեն տևական ժամանակ մեև ԶՈՒ-ն ու ուժային կառույցները բարձր մարտական վիճակի բերված էին, համապատասխան հրահանգները տրված էին՝ այդ թվում քաղպաշտպանության հետ կապված»,- նշեց Շահրամանյանը՝ հավելելով, որ աշխատասենյակ բարձրանալուց հետո կես ժամ անց հրետակոծությունը սկսվել է, գրեթե բոլոր շրջանները ենթարկվում էին ինտենսիվ հրետակոծության:


«Ռազմական գործողությունները սկսելուց հետո ժամեր անց ես հասկացել եմ, որ մենք մենակ ենք ադրբեջանական այդ ագրեսիայի դեմ: Ռուսական կողմը դիտորդի կարգավիճակում էր և մենք պետք է ինքնորույն ունակ լինեինք կարգավորելու մեր հարցերը: ՊԲ այլ ուժային կառույցների, նաև՝ մեր բնակչության հետ միասին սկսվել է ռազմական գործողությունների պատասխան գործողությունները և հենց այդ գործողությունների շնորհիվ էր, որ հնարավոր եղավ ադրբեջանական կողմից բանակցություններ սկսել:Մեզ համար պարզ էր, որ անհրաժեշտ է կանգնբեցնել ռազմական գործողությունները, քանի որ ուժերն անհամեմատ էին և ինչքան երկար շարունակեինք, այդքան՝ կունենայինք զոհեր և կորուստներ»,- նշեց Շահրամանյանը՝ հավելելով, որ իր նպատակը՝ որպես Արցախի նախագահի՝ կայանում էր նրանում, որ հնարավորինս արագ կանգնեցվեր ռազմական գործողությունները և խուսափեին ավելի շատ զոհերից:


«Ես ստիպված էի ուղիղ կապ հաստատել ադրբեջանական կողմի բարձրաստիճան ներկայացուցիչների հետ, որոնք ինձ ծանոթ էին և նախկինում էլ Արայիկ Հարությունյանի հետ կապ են ունեցել, լիազորված էին իրականացնելու մեզ հետ աշխատանք: Բանակցություններ սկսեցինք՝ ռազմական գործողությունները դադարեցնելու համար»,- նշեց Շահրամանյանը՝ հավելելով, որ ադրբեջանական կողմը հայտնել էր, որ մինչև չհասնեն վերջնական նպատակին, ռազմական գործողությունները չեն դադարելու: