Պատմության դասագրքերի թեմայով թյուրքագիտական կարճ հայացք կամ այն մասին, թե ինչ քարտեզներով են սովորում Թուրքիայում և Ադրբեջանում․ թյուրքագետ

Քանի որ Հայոց պատմության նոր դասագրքերի թեման շարունակում է ակտուալ մնալ, ցույց տամ, թե ինչ քարտեզներով են սովորում Թուրքիայի և Ադրբեջանի միջնակարգ դպրոցներում։ Այս մասին ֆեյսբուքյան իր էջում գրում է պ.գ.թ., թյուրքագետ Վարուժան Գեղամյանը։

«Առաջին նկարում Թուրքիայի 12-րդ դասարանի «Ժամանակակից թուրք և համաշխարհային պատմություն» դպրոցական դասագրքի (հրատարակված 2018 թ. և հաստատված Թուրքիայի ազգային կրթության նախարարության կողմից) գլխավոր քարտեզն է՝ «Թյուրքական աշխարհի քարտեզը» (Türk Dünyası haritası), որով թուրք աշակերտները պատկերացում են կազմում հարակից աշխարհի մասին։

Երկրորդ նկարում նույն այդ քարտեզն է, որը Թուրքիայի խորհրդարանի իշխող կոալիցիայի երկրորդ ուժի՝ MHP կուսակցության առաջնորդ Բահչելին նվիրում է առաջին ուժի՝ AKP կուսակցության ղեկավար, երկրի նախագահ Էրդողանին։

Երրորդ նկարում Ադրբեջանի պատմության դասագրքից «Թուրանի» քարտեզն է։ Թուրանը պանթյուրքիստական պետության ընդհանրական անունն է, որը նույնն է, թե «Թյուրքական աշխարհը»։

Ես ձեռքիս տակ ունեմ գրեթե բոլոր թուրքական դասագրքերը և ասեմ, որ այնտեղ ավելի հետաքրքիր դրվագներ կան, որոնք հույս ունեմ, որ առաջիկայում կկարողանամ հրապարակել»։