Ամբողջությամբ շրջափակման մեջ ենք․ ճանապարհներին, բարձունքներում ադրբեջանցիներն են․ Դավիդյան

Շուշիի շրջանի Մեծ Շեն գյուղը շրջափակված է․ բոլոր ճանապարհներն ու բարձունքները՝ թշնամու հսկողության տակ։ Բնակիչները նկուղներում են՝ անորոշության, վախի մեջ։ Այդ մասին «Փաստինֆո»-ին ասաց Մեծ Շենի գյուղապետ Դավիթ Դավիդյանը։

«Մինչև ուշ գիշեր կրակում էին։ Հիմա հանգիստ է, բայց ցանկացած պահի ինչ ասես՝ կարող է լինել։ Բոլոր կողմերից կտրված ենք, կապի ոչ մի միջոց չի աշխատում։ Կապի դուրս գալ հաջողվում է հազվադեպ։ Շատերը չգիտեմ իրենց հարազատները որտեղ են, ինչ վիճակում են։ Ամենաանտանելին այս անորոշությունն է․ չգիտենք հաջորդ պահին ի՞նչ է լինելու»,-ասաց գյուղապետը։

Հարևան Եղցահողն ադրբեջանական ահաբեկչական ստորաբաժանումներն ամբողջությամբ ավերել են՝ դպրոցի շենք, տներ, հիմնարկներ․․․