Ադրբեջանից խոսել են Երևանի և Բաքվի միջև համաձայնագրի հինգ կետի մասին

Երևանի և Բաքվի միջև խաղաղության համաձայնագրի նախագիծը բաղկացած է հինգ հիմնական կետերից: ՏԱՍՍ-ը գրում է, որ այդպիսի հայտարարություն է արել Ադրբեջանի նախագահի հատուկ հանձնարարությունների գծով ներկայացուցիչ Էլչին Ամիրբեկովը։

«Հայաստանի և Երևանի միջև խաղաղության համաձայնագրի նախագիծը բաղկացած է հինգ հիմնական կետերից, որոնք ամրագրված են միջազգային իրավունքով։ Այս փաստաթղթի կարևորագույն կետերից մեկը երկու երկրների փոխադարձ հարգանքն է, երկու կողմերն էլ հաստատել են իրենց հավատարմությունը այս սկզբունքին»,-ընդգծել է Ամիրբեկովը Sky News Arabia-ին տված հարցազրույցում։

Նա նշել է, որ համաձայնագրի նախագիծը «նախատեսում է երկու երկրների ինքնիշխանության և տարածքային ամբողջականության ճանաչում՝ ի լրումն պետությունների միջև սահմանների հարգման», ինչպես նաև «կողմերի հայտարարագիրը՝ միմյանց ներքին գործերին չմիջամտելու մասին»։