Խնձորեսկում հատիկաընդեղենի մշակման գործարանը պատրաստ է շահագործման. բացումը` շուտով

Խնձորեսկում հատիկաընդեղենի մշակման գործարանի կառուցման աշխատանքներն ավարտվել են, շուտով  տեղի կունենա արտադրամասի բացման արարողությունը։ 

Գործարանը կառուցվել է Գորիսի համայնքապետարանի և ՄԱԿ֊ի պարենի համաշխարհային ծրագրի շրջանակում: Գործարանում մշակվելու, տեսակավորվելու և փաթեթավորվելու է  տեղական արտադրանքը։ Գորիս համայնքի ղեկավար Առուշ Առուշանյանը  ՄԱԿ֊ի պարենի համաշխարհային ծրագրի պատասխանատուների հետ այցելել է արտադրամաս, ծանոթացել վերջնական աշխատանքներին։ 

Ծրագրի շրջանակում 50 տնտեսություն ստացել է հատիկաընդեղենի բարձրորակ սերմացու։ Տնտեսություններին տրամադրվել է գյուղատնտեսական տեխնիկա` աշխատանքները կազմակերպելու համար։ Արտադրամասը զինված է նորագույն սարքավորումներով։ Գործարանի կառուցման աշխատանքներն իրականացրել է «Գորիս բարեկարգում» ՀՈԱԿ֊ը։

Գորիսի համայնքապետարան / Goris Municipality