կարևոր
63865 դիտում, 6 ամիս առաջ - 2023-08-15 15:35
Սփյուռք

ՀՅԴ Լիբանանի Հայ Դատի Մարմինը լիբանանյան լրատվամիջոցներին է փոխանցել Արցախի շրջափակման վերաբերեալ ականավոր ցեղասպանագետների դիրքորոշումները

ՀՅԴ Լիբանանի Հայ Դատի Մարմինը լիբանանյան լրատվամիջոցներին է փոխանցել Արցախի շրջափակման վերաբերեալ ականավոր ցեղասպանագետների դիրքորոշումները

ՀՅԴ Լիբանանի Հայ դատի մարմինը երէկ լիբանանեան լրատուամիջոցներուն յղեց հետեւեալ հաղորդագրութիւնը.

«Տարբեր երկիրներէ ականաւոր ցեղասպանագէտներ բաց նամակ մը յղած են ՄԱԿ-ի Ընդհանուր քարտուղարին, Մարդու իրաւունքներու գերագոյն յանձնակատարին եւ Ցեղասպանութեան կանխարգիլման հարցերով ՄԱԿ-ի ընդհանուր քարտուղարի յատուկ խորհրդականին ու Ապահովութեան խորհուրդի անդամ պետութիւններուն` Արցախի (Լեռնային Ղարաբաղ) Հանրապետութեան մէջ ցեղասպանութեան կարելիութեան վերաբերեալ:

«Միջազգային օրէնքի ականաւոր մասնագէտ, Միջազգային քրէական դատարանի նախկին դատաւոր, Հարվըրտ եւ Եէյլ համալսարաններու դասախօս Լուիս Մորենօ Օքամփօ իր կարգին մասնագիտական տեսակէտ հրապարակեց` ընդառաջելով Արցախի (Լեռնային Ղարաբաղ) նախագահի դիմումին` եզրակացնելով, որ Արցախի ազրպէյճանական շրջափակումը իսկութեան մէջ ցեղասպանութիւն է:

«Օքամփօ իր զեկուցումին մէջ նշեց. «Արցախ անունով ծանօթ Լեռնային Ղարաբաղի մէջ 120 հազար հայերու դէմ շարունակուող հաւաքական ցեղասպանութիւն կայ: Ազրպէյճանական ապահովական ուժերուն կողմէ Լաչինի դէմ հաստատուած շրջափակումը, որ սնունդի, բժշկական եւ այլ անհրաժեշտ ապրանքներու մատակարարումը կը խոչընդոտէ, ցեղասպանութեան մասին հռչակագիրի 2(գ) յօդուածին համաձայն, ցեղասպանութիւն է»: