կարևոր
3448 դիտում, 8 ամիս առաջ - 2023-08-11 12:27
Քաղաքական

Հանրությանը շատ սպասեցնել չենք տա, նոր գործընթացներ են լինելու․ Իշխան Սաղաթելյան

«Հայ երիտասարդին փորձում են անտարբեր դարձնել եւ կտրել հայրենիքի հոգսերից եւ հայրենիքի համար պայքարելու սրբազան գործից, դարձնել սպառողական հասարակություն, որին հետաքրքրում է միայն իր անձնական կյանքը»,-այս մասին ՀՅԴ Հայաստանի Երիտասրդական միության բանակավայր այցի ընթացքում հայտարարեց ՀՅԴ Հայաստանի Գերագույն Մարմնի ներկայացուցիչ Իշխան Սաղաթելյանը։ Սաղաթելյանը շեշտեց՝ իրենց խնդիրն է առաջիկա պրոցեսներին ամեն կերպ ներգրավել երիտասարդներին։

Հարցին, թե արդյո՞ք գործընթացներ են լինելու, Իշխան Սաղաթելյանը վստահեցրեց՝ հանրությունը երկար չի սպասի։ «Պետք է լինել ավելի վճռական, ավելի կտրուկ․ նորություններ կտեսնեք»,- ընդգծեց Սաղաթելյանն ու առանց փակագծեր բացելու վերահաստատեց՝ պետք է հասնեն իշխանափոխության, առանց դրա որեւէ հարց հնարավոր չէ լուծել։ «Ձեզ շատ սպասեցնել չենք տա»,- եզրափակեց Սաղաթելյանը։