Պուտինը Զիմբաբվեի նախագահին ուղղաթիռ է նվիրել

Ռուսաստանի նախագահ Վլադիմիր Պուտինը Զիմբաբվեի իր գործընկեր Էմերսոն Մնանգագվային ուղղաթիռ է նվիրել, հաղորդում է աֆրիկյան երկրի տեղեկատվության նախարարությունը:

Պուտինը և Մնանգագվան հինգշաբթի հանդիպում են անցկացրել Սանկտ Պետերբուրգում կայացած «Ռուսաստան-Աֆրիկա» գագաթնաժողովի շրջանակներում:

«Նորին գերազանցություն նախագահ Պուտինը նվիրել է նորին գերազանցություն նախագահին․.. նախագահական ուղղաթիռ», - ասվում է գերատեսչության հաղորդագրության մեջ։

Նշվում է, որ ուղղաթիռը շուտով կտեղափոխվի երկիր:

«Ռուսաստան - Աֆրիկա» երկրորդ գագաթաժողովն ու տնտեսական ֆորումը տեղի է ունենում հուլիսի 27-28-ը: ՌԻԱ Նովոստին հանդես է գալիս որպես միջոցառման տեղեկատվական գործընկեր: