կարևոր
3814 դիտում, 1 տարի առաջ - 2023-05-09 23:35
Հասարակություն

Բարձրավանի վարչական ղեկավարին ծեծի ենթարկել․ ոստիկանական ուժեր են մեկնել Սյունիք․ shamshyan.com

Բարձրավանի վարչական ղեկավարին ծեծի ենթարկել․ ոստիկանական ուժեր են մեկնել Սյունիք․ shamshyan.com

Այսօր` մայիսի 9-ին, ՀՀ Ներքին գործերի նախարար Վահե Ղազարյանի հանձնարարականով և ՀՀ ՆԳՆ Ոստիկանության պետ, Ոստիկանության գեներալ-մայոր Արամ Հովհաննիսյանի կարգադրությամբ՝ Սյունիքի մարզ են մեկնել ՀՀ ՆԳՆ Ոստիկանության Քրեական ոստիկանության գլխավոր վարչության և նույն վարչության հատուկ ջոկատայինների մի խումբ ծառայողներ՝ ՀՀ ՆԳՆ Ոստիկանության պետի օպերատիվ գծով տեղակալ, Ոստիկանության գնդապետ Վարդան Վարդանյանի գլխավորությամբ։ Այս մասին հայտնում է SHAMSHYAN.com-ը:

Աղբյուրի հաղորդմամբ՝ ՀՀ ՆԳՆ Ոստիկանության Քրեական ոստիկանության գլխավոր վարչությունում օպերատիվ տեղեկություններ են ստացվել, որ կեսօրին մի խումբ անձինք Գորիս խոշորացված համայնքի Բարձրավան գյուղում ծեծի են ենթարկել Բարձրավան գյուղի վարչական ղեկավար Ալիկ Հովհաննիսյանին։

Այս պահին ոստիկանները գյուղում վերահսկողությունը վերցրել են իրենց հսկողության տակ և գիտեն՝ ովքեր են հիմնական «հերոսները»։

Աղբյուրի  տեղեկություններով՝ ենթադրյալ կասկածյալների մեջ են նախկին գյուղապետի տղա Վահրամ Ավագյանը, գյուղապետի պաշտոնի համար պայքարող Արթուր Թևոսյանը, հանցագործ աշխարհի ներկայացուցիչ «Զաքի» մականվամբ՝ Տիգրան Հարությանը և ևս մոտ 10-ից ավելի անձինք։