կարևոր
4363 դիտում, 1 տարի առաջ - 2023-04-07 19:00
Աշխարհ

Էրդողանը և Ռաիսին քննարկել են Մերձավոր Արևելքում ստեղծված վիճակը

Էրդողանը և Ռաիսին քննարկել են Մերձավոր Արևելքում ստեղծված վիճակը

Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Իրանի նախագահ Իբրահիմ Ռաիսիի հետ։ Այս մասին հայտնում է «Անադոլու։

Հեռախոսազրույցի ընթացքում, ըստ գործակալության, Էրդողանն ընդգծել է Պաղեստինում Իսրայելի անօրինական գործողությունների աճի պայմաններում իսլամական աշխարհի դիրքորոշումների միասնականության ապահովումը։

Թուրքիայի նախագահի աշխատակազմի կապի գրասենյակը հայտնել է, որ Էրդողանը և Ռաիսին քննարկել են թուրք-իրանական կապերը և լարվածության աճը Մերձավոր Արևելքում՝ Պաղեստինում Իսրայելի անօրինական գործողությունների ֆոնին։

Թուրքիայի նախագահը նշել է էսկալացիայի և բռնության նոր փուլերի կանխարգելման կարևորությունը, ինչին, նրա կարծիքով, հնարավոր է հասնել միայն բոլոր կողմերի ողջախոհության դրսևորմամբ։

Այս կապակցությամբ Էրդողանը կոչ է արել մեկտեղել ջանքերը՝ սրբավայրերի կարգավիճակը պաշտպանելու համար հատկապես Իսլամական համագործակցության կազմակերպության և ՄԱԿ-ի շրջանակներում: