կարևոր
4066 դիտում, 1 տարի առաջ - 2023-03-31 15:57
Քաղաքական

Իշխանության ներկայացուցիչների կողմից հրահրված այս սադրանքը մի շարժառիթ և նպատակ ունի․ Գառնիկ Դանիելյան

Իշխանության ներկայացուցիչների կողմից հրահրված այս սադրանքը մի շարժառիթ և նպատակ ունի․ Գառնիկ Դանիելյան

Այսօր ԱԺ-ից բռնի կերպով բերման է ենթարկվել «Հայաստան» խմբակցության պատգամավոր Մհեր Սահակյանը։

Իշխանության ներկայացուցիչների կողմից հրահրված այս սադրանքը, որի արդյունքում մեր գործընկերը հայտնվեց ոստիկանական բաժանմունքում, մի շարժառիթ և նպատակ ունի՝ շեղել հանրության ուշադրությունը տարածքային հերթական կորուստներից և ադրբեջանական ուժերի առաջխաղացումից։

Մհերին ճանաչողները գիտեն, թե որքան պարկեշտ և զուսպ անձնավորություն է։ Շատերը կհիշեն, թե ինչպես է իր ներկայությամբ հաճախ զսպել կոնֆլիկտները։

Մհերը նաև պատերազմի մասնակից է։ Բազմիցս ապացուցել է իր սերն ու նվիրվածությունը՝ առ հայրենիք։

Ավելի վաղ հայտնել էինք, որ «Հայաստան» խմբակցության պատգամավոր, ՀՅԴ Երևանի Քաղաքային կոմիտեի ներկայացուցիչ Մհեր Սահակյանի և ՔՊ-ական պատգամավոր Վլադիմիր Վարդանյանի միջև միջադեպ է տեղի ունեցել։

 

Գառնիկ Դանիելյան

ՀՀ ԱԺ «Հայաստան» խմբակցության պատգամավոր

ՀՅԴ Տավուշի Մարզային կոմիտեի ներկայացուցիչ